在香港，買樓發定買股發？十年前問跟今天問，答案可大不同。
附圖將恒指跟差估署住宅售價指數比，由兩者皆有官方紀錄（區區編制的樓指雖自1964年，但非官方）計起，零位對齊使累升幅度易於比較。一眼即見，1999年之前，股或樓的長升速（比較兩線斜度）相若，儘管也有叮噹馬頭現象。之後？其實類似。
1998至2007年間股快過樓，2008至2018年間樓快過股，縱有先後亦殊途同歸；2020年代初股傷過樓，但近年追回又再相遇。所謂一命二運三風水，四積陰德五讀書，首先固然要命好，生來含金鎖匙（上代生性）和好基因（定成就），方才有錢入市。
至於二運三風水，分別指天時、地利，即時、空，而當中以時較空重要。早遲十年（時），大市已注定成敗，買什麼股或啥地點樓（空），都已其次。而四積陰德五讀書，是指識人好過識字，積陰德易識貴人、識到好經紀，但若無好股樓無時勢，也是嘥氣。
五讀書呢？就如睇敝欄般，讀完不等於會發達。縱欄名謂「易發」，也得一看命，二三四看天時地利人和。
羅家聰博士（KC）｜資深經濟學家
KC開咪做訪問出名「唔畀面」。依家落筆寫專欄，由宏觀經濟講到本地磚頭，堅持用數據說話。沒有模稜兩可，只有一針見血！
免責聲明：本專欄文章純屬作者個人見解，不代表本公司立場。
相關新聞：
